وەرزی ٢٠٢٦\٢٥

دوای شەش ساڵ دوورکەوتنەوە، سەرهەنگ موحسین، گۆڵپارێز و کاپتنی دێرین، جارێکی دیکە پەیوەندی بە ڕیزەکانی یانەی وەرزشی هەولێرەوە کردەوە. ئەم گەڕانەوەیە هاوکاتە لەگەڵ دەستپێکی ڕکابەرییەکانی خولی ئەستێرەکانی عێراق بۆ وەرزی ٢٠٢٥\٢٠٢٦.
گەڕانەوەی موحسین بۆ قەڵای زەرد، پێشوازییەکی بەرفراوانی لەلایەن هاندەران و ناوەندی وەرزشییەوە لێکرا و وەک هەنگاوێکی گرنگ بۆ بەهێزکردنی ڕیزەکانی یانەکە هەژمار دەکرێت.

بەدەستهێنانی پلەی سێیەم؛ سەرەتایەکی نوێ

خودایە هەموو هەڵبژاردنەکانم و بۆبوونەکانم بەفەزڵی تۆ بووە، بەخشندەیت نەبا ژیانم بریتی دەبوو لە سفڕ، هیچ بەدەست!

دوای پێنج وەرز دوورکەوتنەوە، گەڕامەوە بۆ ماڵی خۆم... گەڕامەوە بۆ باوەشی یانەی هەولێری بریندار، ئەو یانەیەی پێویستی بە هەموومان بوو تا دووبارە هەڵبستێتەوە. هاتمەوە تا پێکەوە ئەو برینانە ساڕێژ بکەین و مێژوویەکی نوێ بنووسینەوە.

جێگەی شانازییەکی بێسنوورە کە لە یەکەم وەرزی گەڕانەوەمدا، بە هەوڵی یەکگرتووی هەموومان، توانیمان پلەی سێیەم لە خولی ئەستێرەکانی عێڕاق بەدەست بهێنین. ئەمە تەنیا سەرەتایەکە بۆ گەڕانەوەی قەڵا و زەردپۆشەکان بۆ پێگەی ڕاستەقینەی خۆمان.

سوپاس بۆ هاندەرە وەفادارەکانمان کە هێزی سەرەکیمان بوون، سوپاس بۆ هاوڕێیانم و هەموو ئەوانەی باوەڕیان پێمان بوو. بەرەو لوتکە!