یانه‌ى هه‌ولێر له‌كوه‌یت پێشوازییه‌كى گه‌رمى لىَ  ده‌كرێت و نه‌هاتنه‌وه‌ى ڤیزاش شتێكى سروشتیه‌

شتێكى سروشتیه‌ كه‌ یاریزان ڤێزاى بۆ نه‌گه‌رِێته‌وه‌ له‌لایه‌ن ئه‌و وڵاته‌ى كه‌ برِیاره‌ مه‌شق یان یارى لىَ بكات , نمونه‌ش زۆرن له‌سه‌ر ئه‌و كێشه‌یه‌ به‌ڵام من ته‌نها دوویان ئه‌خه‌مه‌ رِوو ,
یه‌كێك له‌وانه‌ ( حه‌یده‌ر سه‌باح ) ى یاریزانى یانه‌ى هه‌ولێر و هه‌ڵبژارده‌ى ئۆڵمپى عێراق , كاتیك كه‌ هه‌ڵبژارده‌ى عێرِاق یارییان هه‌بوو له‌گه‌ڵ هه‌ڵبژارده‌ى كۆریا ئه‌وه‌بوو پێش یارییه‌كه‌ به‌دووهه‌فته‌ ئۆڵمپى عێراق سه‌ربازگه‌یه‌كى مه‌شقیان به‌هاوكارى كۆمپانیاى ( PEAK ) له‌په‌كینى پایته‌ختى سین
ساز كرد , پاشان پێش رِۆیشتنى ئۆڵمپى عێرِاق بۆ ووڵاتى كوریا هه‌واڵى ئه‌وه‌ هات ڤێزاى حه‌یده‌ر سه‌باح نه‌هاتۆته‌وه‌ ئه‌مه‌ش بوه‌ هۆى ئه‌وه‌ى كه‌ حه‌یده‌ر له‌یارییه‌كه‌ى كۆریا و عێراق به‌ژدار نه‌بىَ و له‌په‌كین بمێنێته‌وه‌ تاوه‌كو گه‌رِانه‌وه‌ى ئۆڵمپى عێرِاق , نمونه‌یه‌كى تریش له‌سه‌ر كێشه‌ى نه‌هاتنه‌وه‌ى ڤیزا , یاریزانى هه‌ڵبژارده‌ى ئۆڵمپى و یانه‌ى جه‌زیره‌ى ئوردنى
( عه‌قیل حوسێن ) له‌یارییه‌كه‌ى نێوان ئوسترالیا و عێراق كه‌ له‌شارى سیدنى به‌رِێوه‌چوو به‌ژدارى نه‌كرد ئه‌ویش هه‌ر له‌به‌ر نه‌هاتنه‌وه‌ى ڤیزا بوو , لێره‌وه‌ ده‌مه‌وێت ئه‌وه‌ بڵیم كه‌ نه‌هاتنه‌وه‌ى ڤیزاى یاریزانان به‌ئه‌نقه‌ست نیه‌و شتێكى سروشتیه‌ . یانه‌ى هه‌ولێریش رِاسته‌ ڤیزاى دوو كه‌سى شانده‌كه‌یان بۆ نه‌هاتبوویه‌وه‌ له‌سه‌ره‌تادا ئه‌و كاته‌ى كه‌ له‌ئوردن بوون , به‌ڵام كه یانه‌ى هه‌ولێر به‌رِێكه‌وت‌ له‌ئوردن بۆ كوه‌یت كێشه‌ى ئه‌وانیش چاره‌سه‌ر بوو و هه‌ر هه‌موو شانده‌كه‌ به‌بىَ كێشه‌ گه‌یشتنه‌ كوه‌یت و له‌لایه‌ن به‌رپرسانى كوه‌یتیش پێشوازییه‌كى گه‌رمیان لىَ كرا و بگره‌ جیا له‌هه‌موو ئه‌و سه‌فه‌رانه‌ى كه‌ كردویانه‌ زیاتر رِێزیان لىَ گیرا , بۆ یه‌كه‌م جاریشه‌ یانه‌یه‌كى عێراقى به‌م شێوه‌یه‌ پێشوازى لىَ بكرێت و‌
ژوورى تایبه‌تیان هه‌ر له‌ناو فرِۆكه‌ خانه‌ بۆ دابین بكه‌ن و هه‌روه‌ها جه‌وازه‌كانیان ببه‌ن و خۆیان مۆڵه‌تى چوونه‌ ژووره‌وه‌ى لێبده‌ن بىَ ئه‌وه‌ى یه‌ك یاریزان له‌شوێنه‌كه‌ى خۆى هه‌ڵبستىَ , ئه‌مه‌ش هه‌موو ئه‌و شتانه‌ رِه‌تده‌كاته‌وه‌ كه‌ به‌رپرسانى كوه‌یتى شتێكى ناشایسته‌یان كردبێت به‌رامبه‌ر به‌یانه‌ى هه‌ولێر و به‌ئه‌نقه‌ست ڤیزایان به‌شاندى یانه‌ى هه‌ولێر نه‌دابىَ .