یانه‌ی وه‌رزشی هه‌ولێر له‌یه‌كه‌م یاری خولی عێراق سه‌ركه‌وتنی تۆماركرد

ئه‌حمه‌د موسته‌فا - هه‌ولێر

تیپی تۆپی پێی یانه‌ی وه‌رزشی هه‌ولێر له‌یه‌كه‌مین یاری خولی بژارده‌ی عێراق سه‌ركه‌وتنی تۆماركرد . ئێواره‌ی دوێنێ له‌یاریگای فره‌نسۆ هه‌ریری له‌شاری هه‌ولێرو به‌ئاماده‌بونی جه‌ماوه‌رێكی زۆری وه‌رزشی یه‌كه‌مین یاری خولی بژارده‌ی یانه‌ نایابه‌كانی عێراق بۆ تۆپی پێ له‌نێوان هه‌ردوو یانه‌ی هه‌ولێر و كه‌ركوك ئه‌نجامدرا . یانه‌ی هه‌ولێر كه‌هه‌ڵگری نازناوی خوله‌كه‌یه ‌، له‌نێو جه‌ماوه‌رو هانده‌رانی خۆیدا ئه‌م یاریه‌ی ئه‌نجامدا كه‌زۆر به‌زه‌حمه‌ت و به‌گۆڵێكی بێ به‌رامبه‌ر سه‌ركه‌وتنی به‌سه‌ر یانه‌ی كه‌ركوك به‌ده‌ستهێنا . گێمی یه‌كه‌می یاریه‌كه‌ له‌ئاستێكی مامناوه‌ندیدا به‌ڕێوه‌چوو ، له‌خوله‌كی "6" یونس شوكری هێرشبه‌ری كه‌ركوك لێدانێكی جوانی ئاڕاسته‌ی تۆڕی گۆڵی یانه‌ی هه‌ولێر كرد ، به‌ڵام لێهاتویی سه‌رهه‌نگ موحسینی گۆڵچی هێرشه‌كه‌ پوچه‌ڵكرایه‌وه ‌. یانه‌ی هه‌ولێریش له‌ڕێی ئه‌حمه‌د سه‌لاحی هێرشبه‌ره‌وه‌ له‌خوله‌كه‌كانی "10 و 21" دوو لێدان