حه‌یده‌ر سه‌باح داواى لىَبووردن له‌هانده‌رانى یانه‌ى هه‌ولێر ده‌كات

له‌یارى نێوان یانه‌ى هه‌ولێر و یانه‌ى پێرس كه‌ له‌به‌رژه‌وه‌ندى یانه‌ى هه‌ولێر ته‌واو بوو به‌گۆڵێكى بىَ به‌رامبه‌ر ,
ئه‌وه‌بوو رِاهێنه‌رى یانه‌ى هه‌ولێر ئه‌كره‌م ئه‌حمه‌د سه‌لمان چه‌ند گۆرِانكارییه‌كى ئه‌نجامدا له‌گێمى دووه‌م له‌وانه‌ یاریزان ئوسامه‌ عه‌لى خسته‌ شوێنى حه‌یده‌ر سه‌باح
به‌مه‌ش حه‌یده‌ر سه‌باح توشى نیگه‌رانى هات و نارِازى بوو به‌وه‌ى كه‌ رِاهێنه‌ر خستیه‌ ده‌ره‌وه‌ , بۆیه‌ له‌كاتى هاتنه‌ ده‌ره‌وه‌ى حه‌یده‌ر هانده‌رانى هه‌ولێر چه‌پڵه‌یه‌كى زۆریان بۆى لێدا ,
كه‌چى حه‌یده‌ر سه‌باح ده‌ستى هه‌ڵنه‌برِى و به‌ڵكو هه‌ر سه‌یریشى نه‌كردن تا هاته‌ لاى یاریزانه‌ یه‌ده‌گه‌كان .
هۆى بىَ وه‌ڵامى حه‌یده‌ریش له‌به‌ر توورِه‌یى له‌گۆرِانكارییه‌كه‌ى رِاهێنه‌ر بوو ,
بۆیه‌ حه‌یده‌ر سه‌باح له‌م باره‌یه‌وه‌ له‌په‌یوه‌ندییه‌كى ته‌له‌فۆنیدا له‌شارى به‌غدا كه‌ به‌مۆڵه‌ت گه‌رِاوه‌ته‌وه‌ ووتى :
من داواى لىَ بووردن له‌هانده‌رانى یانه‌كه‌م ده‌كه‌م بۆ ئه‌و هه‌ڵویسته‌ى كه‌ نیشانمدا و ئه‌و رِێزگرتنه‌ى ئه‌وانم له‌به‌ر چاو نه‌گرت
ئه‌وه‌شى ووت كه‌ له‌وكاته‌ى هانده‌ران چه‌پله‌ى رِێزگرتنیان بۆى لێداوه‌ ئه‌و بیرى له‌لاى گۆرِانكارییه‌ له‌ناكاوه‌كه‌ى رِاهێنه‌ر بووه‌ بۆیه‌ ده‌ستى بۆ هانده‌ران هه‌ڵنه‌برِیوه‌